KNAPP NIDDERLAG ZU KIELEN
24 March 2024
Erstallt vum F.C. Blo-Wäiss Izeg
Um 21.Spilldag vum Championnat huet eis éischt Ekipp hir véiert Nidderlag am sechste Match vun der Réckronn kasséiert. Zu Kielen stoung et um Enn 3:2 (2:1) fir d’Lokalekipp.
De Bruno Fernandes hat déi Blo-Wäiss no 23 Minutten per Kappball a Féirung bruet, mee Kielen konnt duerch Goler an der 30.‘ an 45.Minutt matt enger Féirung an d’Paus goen. Nom Säitewiessel stoung et no 57 Minutten 3:1, ier den agewiesselten Noé Rischard nach eemol fir Hoffnung op Izeger Säit gesuergt huet (76.‘).
Déi Blo-Wäiss hunn de Match zu 9 fäerdeggespillt, nodeem Filipe Almeida (40.‘ rout Kaart) an Ademir Skenderovic (90.‘ giel-rout Kaart) virzäiteg hu missen vum Terrain goen.
EKIPP FC IZEG: Chenard, Skenderovic, Almeida, Jacinto, Bousseau, Perrey, Dos Reis, Myre, Louadj, Fernandes, Yagremongo (Reserve: Milla, Rischard, Faustino, Marques, Ribeiro)
Nächste Samschdeg, den 30.Mäerz steet de Championnatsmatch vum 22.Spilldag géngt Märel um Programm. Ustouss um Stade Albert Kongs zu Izeg ass ëm 18.00 Auer.